Ոչ մի քաղաքացի՝ առանց ձայնի

Վերականգնենք համընդհանուր և հավասար ընտրական իրավունքը Ընտրելու իրավունքը քաղաքացու հիմնարար սահմանադրական իրավունքն է։ 2026 թվականի հուլիսի 3-ին ընդունված և հուլիսի 24-ին ուժի մեջ մտած «Ընտրական օրենսգիրք» և «Հանրաքվեի մասին» սահմանադրական օրենքներում կատարված փոփոխություններից հետո հազարավոր քաղաքացիներ զրկվել են ընտրություններին և հանրաքվեներին մասնակցելու սահմանադրական իրավունքից։ «Menq» նախաձեռնությունը միավորում է քաղաքացիներին, իրավաբաններին, փորձագետներին և կազմակերպություններին՝ այդ իրավունքը պաշտպանելու և վերականգնելու համար։

Մեր նախաձեռնությունը ստեղծվել է մեկ անսասան սկզբունքով․ քաղաքացիությունը իրավունք է, այլ ոչ թե հասցե։

Մենք համոզված ենք, որ ժողովրդավարությունը հիմնված է հավասարության, մասնակցության և օրենքի գերակայության վրա։ Այդ պատճառով մեր նպատակն է ձևավորել հանրային ու մասնագիտական լայն աջակցություն, բարձրացնել իրազեկվածությունը և նպաստել իրավական ու օրենսդրական արդյունավետ լուծումների որոնմանը։

Մեր առաքելությունը
• Նպաստել ընտրական իրավունքի լիարժեք վերականգնմանը։
• Ապահովել սահմանադրական իրավունքների արդյունավետ իրացումը։
• Խթանել հանրային քննարկումը և քաղաքացիների ակտիվ ներգրավվածությունը։

Գործունեության հիմնական ուղղությունները
• Հանրային իրազեկում և քաղաքացիների մոբիլիզացիա։
• Իրավական և ինստիտուցիոնալ պայքար։
• Հանրային, միջազգային և մեդիա աջակցության ապահովում։

Մեր արժեքները
• Մարդու իրավունքների գերակայություն։
• Սահմանադրականություն և օրենքի գերակայություն։
• Թափանցիկություն և հաշվետվողականություն։
• Խաղաղ, իրավական և քաղաքացիական պայքար։

Միացե՛ք նախաձեռնությանը
Գրանցվե՛ք որպես աջակից կամ կամավոր, մասնակցե՛ք քննարկումներին և տարածե՛ք ստուգված տեղեկատվությունը։ Յուրաքանչյուր քաղաքացու ձայնը կարևոր է։